بھارت نے پاکستان کو ہرا کر ورلڈ چیمپئن شپ آف لیجنڈز کاٹائٹل جیت لیا

لاہور(سپورٹس رپورٹر)بھارت نے پاکستان کو 5وکٹوں سے ہرا کرورلڈ چیمپئن شپ آف لیجنڈز  2024ء کا ٹائٹل جیت لیا۔برمنگھم کے ایجبسٹن کرکٹ گراؤنڈ میں کھیلے گئے فائنل میں پاکستان چیمپئنز کے کپتان یونس خان نے ٹاس جیت کر بیٹنگ کا فیصلہ کیااور ٹیم نے 6وکٹوں پر 156 رنز بنائے۔کامران اکمل اور شرجیل خان نے اننگز کا آغا زکیا۔ شرجیل خان  12رنز بناکر چلتے بنے ۔ شعیب ملک 41، کامران اکمل 24 ‘صہیب مقصود 21 ‘ مصباح الحق 18‘کپتان یونس خان اور عامر یامین 7 ،7 رنز بناکر آؤٹ ہوئے۔ سہیل تنویر 19 اور شاہد آفریدی 4 رنز کیساتھ ناٹ آؤٹ رہے۔انو ریت سنگھ نے تین کھلاڑیوںکوآئوٹ کیا ۔ بھارتی چیمپئنز نے ہدف5وکٹوںپرپوراکرلیا ۔ رابن اتھاپا 10‘امباتی ریودو 50‘سریش رائنا4‘گرکیرت سنگھ مان 34‘یوسف پٹھان 30رنز بناکر آئوٹ ہوئے ۔ یووراج سنگھ15اور عرفان پٹھان 5رنز پر ناٹ آئوٹ رہے ۔