تربیلا غازی روڈ پر ڈمپر اور رکشہ میں شدید تصادم، نوجوان جاں بحق

 تربیلا(نامہ نگار)تر بیلا غازی روڈ  پر موضع میانڈھیری سٹاپ کے قریب رکشہ اور ڈمپر میں شدید تصادم ہو گیا۔جس کے نتیجہ میں ایک نوجوان عمر ولد محمد یونس عمر 19/20 سال ساکنہ گندف حال غازی بحق ہو گیا ہے۔ جبکہ تین افراد گل محمد ولد حیات محمد محلہ مبین بانڈہ غازی عمر 21/22 سال،رکشہ ڈرائیور محمد شہباز ولد معظم شاہ سکنہ حسن پور غازی اور قربان ولد قیوم عمر 45 سال سکنہ کشمیور شدید زخمی ہوئے ہیں۔ جن کو شدید زخمی حالت میں تحصیل ہیڈکوارٹر ہسپتال غازی لایا گیا جہاں سے ابتدائی طبی امداد کے بعد ٹراما سینٹر ہری پور ریفر کر دیا گیا ہے۔ ڈمپر ڈرائیور ڈمپر کو چھوڑ کر موقع سے فرار ہو گیا پولیس نے ڈمپر کو اپنے قبضہ میں لے کر ایف آئی آر درج کر لی ہے۔ حادثہ تربیلا غازی لارنسپور روڈ  کی ایک ارب 85 کروڑ کی ازسر نو غیر معیاری وناقص تعمیر کے باعث پیش آیا ہے۔شاہراہ کی ناقص تعمیر سے مختلف مقامات پر گڑھے پڑ چکے ہیں۔