اسلام آباد( نمائندہ خصوصی ) پالیسی ادارہ برائے پائیدار ترقی کے ایگزیکٹو ڈائریکٹر ڈاکٹر عابد قیوم سلہری کو کوپ (سی او پی) 29 انٹرنیشنل ایڈوائزری کمیٹی کا رکن مقرر کر دیا گیا ہے۔یہ فیصلہ کوپ 29 انٹرنیشنل ایڈوائزری کمیٹی (آئی اے سی) کے افتتاحی اجلاس کے دوران کیا گیا جو 11 جولائی کو کوپ 29 آئی اے سی کے قیام کے لئے ورچوئل طور پر منعقد ہوا تھا اقوام متحدہ کی موسمیاتی تبدیلی سے متعلق اقوام متحدہ کے فریم ورک کنونشن (سی او پی 29) کانفرنس کا 29 واں اجلاس 11-22 نومبر، 2024 کو آذربائیجان کے شہر باکو میں منعقد ہوگا۔ سی او پی 29 کے صدر اور میزبان ملک کی حیثیت سے جمہوریہ آذربائیجان ریاستی جماعتوں ، بین الاقوامی تنظیموں ، مالیاتی اداروں ، کاروباری اداروں ، تعلیمی اداروں اور سول سوسائٹی سمیت مختلف اسٹیک ہولڈرز کو شامل کرنے کے لئے پرعزم ہے جس کا مقصد کانفرنس کے جامع اور موثر نتائج فراہم کرنا ہے۔کمیٹی آب و ہوا کے اقدامات کے مختلف ستونوں پر قابل قدر نقطہ نظر رکھنے والی ممتاز شخصیات پر مشتمل ہوگی ۔ایس ڈی پی آئی کے ایگزیکٹو ڈائریکٹر ڈاکٹر عابد قیوم سلہری اس کمیٹی میں جنوبی ایشیا سے تعلق رکھنے والے واحد ممتاز ماہر ہیں جواس سال کے آخر میں آذربائیجان کے شہر باکو میں ہونے والے سی او پی 29 کے مذاکراتی ایجنڈے کو آگے بڑھانے میں سی او پی 29 کے صدر کی مدد کریں گے