عمران خان جناح ہاؤس جلاؤگھیراؤ سمیت 9مئی کے 12مقدمات میں گرفتار

پاکستان تحریک انصاف (پی ٹی آئی ) کے بانی عمران خان کی جناح ہاؤس جلاؤگھیراؤ اور9مئی کے مقدمات میں گرفتاری ڈال دی گئی۔ ذرائع کے مطابق تفتیشی ٹیم نےسابق چیئرمین تحریک انصاف کی اڈیالہ جیل پہنچ کرباضابطہ گرفتاری ڈالی۔ ان سے ریاست مخالف اکسانے کی دفعات کےتحت تفتیش کی جائے گی. عمران خان کی جناح ہاؤس حملے سمیت 9مئی کے12مقدمات میں گرفتاری ڈالی گئی۔ذرائع نے بتایا کہ پولیس نے راولپنڈی کی عدالت سےبانی پی ٹی آئی کولاہورمنتقل کرنےکی استدعا کی،عدالت نے سیکیورٹی خدشات کےباعث سابق چیئرمین تحریک انصاف کومنتقل کرنےکی اجازت نہیں دی۔پولیس ذرائع کا کہنا ہے کہ پیر کو بانی پی ٹی آئی ویڈیولنک کےذریعے لاہورکی اے ٹی سی میں پیش ہوں گے۔ سابق چیئرمین پی ٹی آئی کے خلاف مجموعی طور پر 16 مقدمات درج ہیں، 4 مقدمات میں انہوں نے ضمانت کروارکھی ہے۔