ذرائع کے مطابق ملاقات میں سیاسی صورت حال سمیت کراچی میں ٹارگٹ کلنگ کے حوالے سے گفتگو کی جائے گی۔ اس کے علاوہ دیگر اہم امور پر بھی تبادلہ خیال کیا جائے گا۔ ایم کیوایم کے وفد میں ڈاکٹر فاروق ستار، صغیر انصاری اور بابرغوری شامل ہوں گے۔ اس سے قبل گزشتہ رات صدر آصف علی زرداری نے ایم کیو ایم کے قائد الطاف حسین سے ٹیلیفون پر بات چیت کی تھی اور ان سے ملک کی موجودہ صورتحال پر تفصیلی تبادلہ خیال کیا، دونوں رہنماؤں کے درمیان ایم کیو ایم اور پیپلزپارٹی کے اتحاد کے معاملات اور دیگرامور پربھی گفتگو کی گئی ۔