لاہور ریجن کرکٹ ایسوسی ایشن کی صدارت، 4 امیدوار میدان میں آ گئے

لاہور(سپورٹس رپورٹر)  لاہور ریجن کرکٹ ایسوسی ایشن کی صدارت کے لئے چار امیدوار سامنے آ گئے۔تفصیلات کے مطابق  ایل سی سی اے کی صدارت کیلئے ویسٹ زون کی جانب سے تین امیدواروں نے کاغذات جمع کرائے ہیں جبکہ چوتھے امیدوار کا تعلق ایسٹ زون سے ہے ۔صدارت کیلئے کاغذات جمع کرانے والے امیدواروں میں ایل سی سی اے کے سابق صدر خواجہ ندیم احمد ،پی سی بی کے سابق چیئرمین جنرل(ر) توقیر ضیاء اور مبارک احمد کا تعلق ویسٹ زون سے ہے جبکہ ملک عمران بچہ نے ایسٹ زون سے اپنے کاغذات جمع کرائے۔  سیکرٹری کیلئے ویسٹ زون سے شعیب ڈار،ایسٹ زون سے نجم مرزا اور نارتھ زون سے دو امیدواروں میاں محمد مبین اور محمد نصیر شہزاد  نے اپنے کاغذات نامزدگی جمع کرائے ہیں۔