انگلش کپتان ویان رونی ‘کوچ ہوجسن کی شائقین کو جھگڑا نہ کرنے کی اپیل

پیرس(سپورٹس ڈیسک) انگلینڈ فٹ بال ٹیم کے کپتان ویان رونی اور کوچ رائے ہوجسن نے برطانوی شائقین سے اپیل کرتے ہوئے کہا ہے کہ وہ یور و کپ کے دوران پرامن رہیں اور جھگڑاکرنے سے پرہیز کریں ۔انہوں نے شائقین سے کہا کہ وہ اسی جگہ نہ جائیں جہاں جھگڑے کا خطرہ ہو ۔ہڈ سن نے کہا کہ ہمارے اوپر جو ٹورنا منٹ سے باہر کرنے کی تلوار لٹکائی گئی ہے وہ بہت خطرناک ہے ‘شائقین سے التماس ہے کہ وہ قومی ٹیم کا خیال رکھیں ۔
ہم نے یہاں تک پہنچنے میں بہت محنت کی اور ایونٹ سے باہر ہوکر مایوس نہیں ہونا چاہتے ۔آپ کی سپورٹ کے بہت شکر گزار ہیں لیکن ساتھ اس چیز کا بھی خیال رکھیں کہ ٹیم کو باہر ہونے سے بچائیں۔رونی نے کہا کہ شائقین بغیر ٹکٹ فرانس کا سفر نہ کریں ۔ جھگڑے والے مقامات سے دور رہیں ‘ہم ٹیم کے کھلاڑی سب شکر گزار ہونگے ۔