چیچہ وطنی: ٹرین کی زد میں آکر نوجوان لڑکا اور لڑکی جاں بحق

چیچہ وطنی (نامہ نگار) جوڑا ٹرین کی زد میں آکر جاں بحق ہوگیا۔ ریلوے ذرائع کے مطابق گاؤں 12/11۔ ایل کا 25 سالہ شہباز اور اسکے محلے کی 24 سالہ شازیہ ساہیوال روڈ پر واقع نجی سکول کے بالمقابل ریلوے لائن کے قریب موجود تھے کہ اسی اثنا میں پشاور سے کوئٹہ جانیوالی جعفر ایکسپریس آگئی جس کی زد میں آکر دونوں زندگی سے ہاتھ دھو بیٹھے۔ ایس ایچ اوتھانہ صدر زمان رشید وٹوکے مطابق لڑکا اور لڑکی آپس میں ہمسائے تھے جو ٹرین کی آمد سے قبل ملحقہ جنگل میں بیٹھ گئے اور ٹرین کے آتے ہی دونوں نے موت کو گلے لگا لیا۔ پولیس نے نعشیں تحویل میں لیکر کاروائی شروع کردی ہے۔ متوفیہ شازیہ شادی شدہ تھی۔