لاہور (خصوصی رپورٹر) سابق وزیراعظم اور مسلم لیگ ن کے قائد محمد نواز شریف اپنی صاحبزادی مریم نواز شریف، داماد کیپٹن محمد صفدر کے ہمراہ آج جمعرات کو لندن روانہ ہوں گے جہاں وہ بیگم کلثوم نواز کے ساتھ عید کریں گے۔ ذرائع کے مطابق وہ لگ بھگ ایک ہفتہ لندن میں رہیں گے ۔میاں شہباز شریف کے صاحبزادے سلمان شہباز اور ان کی اہلیہ زینب سلمان بھی آج جمعرات کو پی آئی اے کی فلائٹ پی کے 757سے لندن جائیں گے جہاں وہ اپنی والدہ بیگم نصرت شہباز اور تائی بیگم کلثوم نواز کے ساتھ عید کریں گے۔معلوم ہوا ہے کہ ان کی لندن روانگی کے لئے قطر ائیر لائنز کی پرواز کیو آر 629میں نشستیں محفوظ کروائی گئی ہیں جو لاہور سے دوحا جائے گی وہاں سے لندن کے لئے فلائٹ ہوگی۔
نواز شریف /لندن
