ڈائو یونیورسٹی آف ہیلتھ سائنسز کی بین الجامعات نعت اور قرات کے مقابلوں میںکامیابی

کراچی (نیوز رپورٹر)ایمیٹی انٹرنیشنل اور سندھ بوائے اسکائوٹس ایسوسی ایشن کے اشتراک سے ہونیوالے بین الجامعات مقابلہ حسنِ قراٗت و نعت میں ڈائو یونیورسٹی آف ہیلتھ سائنسز کے طلبا نے اول دوم اور سوم تینوں پوزیشن حاصل کرلیں ۔ تفصیلات کے مطابق اسکائوٹ آڈیٹوریم میں منعقدہ نعت و قراٗ ت کے مقابلوں میں ڈائو یونیورسٹی کے طلبا چھا گئے۔ قراٗت کے مقابلوں میں پہلی پوزیشن فاطمہ ناز ڈائو میڈیکل کالج، جبکہ دوسری پوزیشن ڈائو میڈیکل کالج کے اُسامہ علی اور تیسری پوزیشن بھی ڈائو میڈٰٰیکل کالج کے طالب علم عمران نے حاصل کی۔نعت خوانی کے مقابلے میںپہلی پوزیشن ڈائو میڈیکل کالج کے سید بلال علی نے حاصل کی، جبکہ دوسری اور تیسری پوزیشن بھی بالترتیب ڈائو کالج آف فارمیسی کے محمد حمزہ بٹ اور ڈائو میڈیکل کالج کے عبدالوھاب نے حاصل کی۔ مقابلوں کے مہمانِ خصوصی وائس چانسلر ضیا ء الدین یونیورسٹی پروفیسر ڈاکٹر پیر زادہ قاسم بھی موجود تھے۔