PP14 کے تمام مسائل سے آگاہ ہیں‘ حلقہ کو جنت نظیر بناؤں گا: حاجی ظفر اقبال

راولپنڈی(نیوز ڈیسک) پی پی چودہ کے تمام مسائل سے آگاہ ہیں اگر پارٹی نے ٹکٹ دیا تو منتخب ہو کر حلقہ کو جنت نظیر بنانے میں کوئی کسر نہ اٹھا رکھیں گے۔ ان خیالات کا اظہار ممبر کینٹ بورڈ ن لیگ کے رہنما حاجی ظفر اقبال نے یہاں کچہری میں اپنے کاغذات کی جانچ پڑتال کے موقع پر ایک بیان میں کیا۔ انہوں نے کہا ہے کہ خدمت کی سیاست ہمارے آباو اجداد کی میراث ہے۔ جسے ہم کامیابی سے آگے بڑھائے ہوئے ہیں۔ بحیثیت ممبر کینٹ بورڈ اور سابقہ چئیرمین ہماری خدمات سے تمام حلقے آگاہ ہیں۔ آئندہ بھی اسی طرح عوام کی خدمت کرتے رہیں گے۔علاقہ کی تعمیر و ترقی کا مقصد لے کر آگے بڑھیں گے اور انشا اللہ سرخرو ہو گے۔