مری میں سیاحوں کی سہولت اورٹریفک پولیس کی معاونت کیلئے سکیورٹی پلان جاری

راولپنڈی (اپنے سٹاف رپورٹر سے)راولپنڈی پولیس نے عیدالفطر کے موقع پر مری میں سیاحوں کی سہولت اورٹریفک پولیس کی معاونت کیلئے سکیورٹی پلان جاری کردیااس موقع پر راولپنڈی پولیس کے تقریباً 500افسران و ملازمان ڈیوٹی سرانجام دیں گے لیڈیز پولیس کی ٹیمیں بھی ڈیوٹی سرانجام دیں گی ضلعی پولیس ٹریفک پولیس سے ملکر عید الفطر کے دوران ڈیوٹی سرانجام دیں گے اور عوام الناس کی حفاظت کو یقینی بنائیں گے ۔مری میں عیدالفطر کے موقع پر اندرون ملک سیاح مری کو رخ کرتے ہیں جس کی وجہ سے ٹریفک کا دبائو کافی بڑھ جاتا ہے اس لیے تمام وسائل کو بروئے کار لاتے ہوئے ضلعی پولیس ٹریفک پولیس کے ساتھ ملکر ٹریفک کو رواں دواں رکھیں گے۔