پی پی 38ضمنی الیکشن ، 5امیدوارتحریک انصاف سے وابستہ،آزاد حصہ لیںگے 

سیالکوٹ(نمائندہ خصوصی )ضمنی الیکشن پی پی38سیالکوٹ کی15یونین کونسلوں پر مشتمل الیکشن ہو گا ۔ صوبائی اسمبلی کے حلقہ پی پی38میں ہونے والے ضمنی انتخابات کا الیکشن 15یونین کونسلوں پر مشتمل ہو گا ۔یونین کونسل میانی ، اکبر آباد، چرنڈ ، ہندل ، وریو ، بھڑتانوالی ، دھیراسندھا ، پراگپور، بھاگووال ، رسولپور، کندن پور، ڈالوووالی ، کمانوالہ ، لنگڑے والی وغیرہ شامل ہیں۔ اس حلقہ میں ضمنی انتخابات کے لیے 19امیدواروں کی جانب سے کاغذات نامزدگی جمع کروائے گئے ہیں۔ امیدواران میں 5امیدوارتحریک انصاف سے وابستہ ہیں جنہیں پارٹی ٹکٹ نہ ملنے پر وہ آزاد الیکشن میں حصہ لے رہے ہیں تاہم روایتی طور پر بھی دونوں بڑی سیاسی جماعتوں کے مابین ہی کانٹے دار مقابلہ کی توقع ہے ۔