جماعت اسلامی کے وفد کی کے الیکٹرک کلسٹر ہیڈ ، بن قاسم سے ملاقات 

کراچی ( اسٹاف رپورٹر)جماعت اسلامی کی مقامی قیادت بشمول، صدر ڈسٹرکٹ ملیر جناب اسلام اور کوآرڈینیٹر قادر گل نے کے الیکٹرک کلسٹر ہیڈ ، بن قاسم سے ملاقات کی۔دونوں فریقین نے علاقے میں بجلی چوری اور اس کے نتیجے میں ہونے والی لوڈشیڈنگ کے حل پر تبادلہ خیال کیا۔ جماعت اسلامی کے رہنماں نے گلشن حدید ، کراچی میں بجلی کے میٹروں کی تنصیب میں کے الیکٹرک سے تعاون کی درخواست کی۔ کے الیکٹرک کی ٹیم نے مکمل تعاون کی یقین دہانی کرائی اور دونوں فریقین نے علاقہ مکینوں کی سہولت کے لئے مل کر کام کرنے کے عزم کا اظہار کیا۔