سعودی عرب میں مقدس مساجد کی انتظامیہ کے سربراہ اعلی ڈاکٹر عبدالرحمن السدیس نے مسجد الحرام میں گذشتہ ماہ منبر پر چڑھنے والےشخص کو روکنے والے سکیورٹی اہلکار محمد بن علی الزہرانی کو اعزاز سے نوازا ہے۔ سعودی نشریاتی ادارے کے مطابق مقدس مساجد کی انتظامیہ کے سربراہ نےگذشتہ ماہ منبر پر چڑھنے والےشخص کو روکنے والے سکیورٹی اہلکار محمد بن علی الزہرانی کو توصیفی سند پیش کی اور کہا کہ مسجد الحرام میں امن و امان قائم کرنے و رکھنے اور احساس ذمہ داری پر انہیں سلام شکر پیش کرتے ہیں۔انہوں نے کہا کہ وطن عزیز کے مختلف شعبوں کی سکیورٹی پر مامور محافظ پیشہ ورانہ استعداد اور جرات و شجاعت کی خوبی کے مالک ہیں۔