نئی ون ڈے رینکنگ، پاکستان نے بھارت کو پیچھے چھوڑ دیا

دبئی(آئی این پی)نئی ون ڈے رینکنگ، پاکستان نے بھارت کو پیچھے چھوڑ دیا۔ مین ان گرین ون ڈے رینکنگ میں نیوزی لینڈ، انگلینڈ اور آسٹریلیا کے بعد چوتھے نمبر پر ہیں۔ پاکستان کی ریٹنگ 106 ہے جب کہ بھارت 105 ریٹنگ کے ساتھ پانچویں نمبر پر ہے۔تین میچوں کی جیت کے سلسلے نے پاکستان کو کافی مدد فراہم کی ہے کیونکہ ٹیم آئی سی سی سپر لیگ کی درجہ بندی میں بھی آگے بڑھ گئی ہے اور پوائنٹس ٹیبل میں بھی چوتھے نمبر پر ہے۔ون ڈے رینکنگ میں نیوزی لینڈ - 125 پوائنٹس کیساتھ پہلے، انگلینڈ 124 پوائنٹس کے ساتھ دوسرے، آسٹریلیا 107 پوائنٹس کے ساتھ تیسرے، پاکستان 06 پوائنٹس لے کر چوتھے، ہندوستان 105 پوائنٹس کیساتھ پانچویں، جنوبی افریقہ 99 پوائنٹس کے ہمراہ چھٹے، بنگلہ دیش 95 پوائنٹس لے کر ساتویں، سری لنکا 87 پوائنٹس کے ساتھ آٹھویں، ویسٹ انڈیز 72 پوائنٹس لے کر نوویں جب کہ افغانستان 69 پوائنٹس کے ہمراہ دسویں پوزیشن پر موجود ہے۔،پاکستان کی اگلی ون ڈے سیریز ہالینڈ کے دورے میں شیڈول ہے۔ مین ان گرین اگست میں ہالینڈ کے خلاف تین ون ڈے میچ کھیلے گی جبکہ سری لنکا کے خلاف سیریز ملک کے اندر معاشی بحران کی وجہ سے منسوخ کردی گئی ہے۔ یہ بات قابل ذکر ہے کہ پاکستان ایشیا کپ 2022 میں بھی شرکت کرے گا اور سال کے اختتام سے قبل انگلینڈ کے خلاف 5 ایک روزہ میچوں کی سیریز کی میزبانی کرے گا۔