جعفرآباد میں گرین ٹریکٹر سکیم کی قرعہ اندازی

ڈیرہ اللہ یار( نامہ نگار)ڈپٹی کمشنر جعفرآباد رزاق خان خجک نے کہا کہ وزیراعلیٰ بلوچستان عبدالقدوس بزنجو  کے گرین بلوچستان ٹریکٹرسکیم سے چھوٹے زمینداروں اور زراعت پیشہ افراد کو خود کفیل ہونے میں خاصی مدد ملے گی ایک ٹریکٹر سے پورے خاندان کی کفالت ہوگی ایسی  سکیموں سے غربت میں نمایاں کمی واقع ہوگی اور چھوٹے زمیندار و کاشتکار اپنے پاوں پر کھڑے ہوسکیں گے۔ ان خیالات کا اظہار انہوں نے ڈی سی آفس میں قرعہ اندازی کے موقع پر صحافیوں سے گفتگو کرتے ہوئے کیا۔  اس موقع پر زرعی انجنیئرنگ کے ڈپٹی ڈائریکٹر چنگیز خان بگٹی، اسسٹنٹ کمشنر اوستہ محمد ساگر کمار،قانگو حاجی عبدالغنی چاچڑ  سمیت چھوٹے زمیندار اور کاشتکار بھی موجود تھے ۔