فیروزوالہ( نامہ نگار ) ڈکیتی ، راہزنی اور سرقہ بالجبر کی متعدد وارداتوں کے دوران ڈاکوئوں کی لوٹ مار‘ بینکوں سے رقم لے کر آنیوالے چار شہریوں سمیت متعدد افراد کو لوٹ لیا۔ تین رکنی ڈکیٹ گینگ نے متاثرہ شہری سے کہا کہ ہمارے گھر میں کھانے کیلئے آٹا تک نہ ہے‘ یہ  واردات کی ہے معاف کر دینا۔ کوٹ عبدالمالک کے قریب بینک سے رقم لیکر آنیوالے  فہیم السلام سے ڈاکو پانچ لاکھ چھین کر فرار ہو گئے۔ منڈیالی کے قریب ڈاکووں نے خراب ویگن کے مسافروں کو لوٹ لیا ‘ڈاکوماں بیٹی کو زخمی کر کے زیورات نقدی اور موبائل پر چھین کر فرار ہو گئے ۔ریلوے روڈ پر ڈاکو بنک سے رقم لیکر آنیوالے عمران حیدر نقدی چھین کر فرار ہو گئے۔ تھانہ صدر کے قریب ڈاکوشفاع اللہ سے 11لاکھ نقدی چھین کر فرار ۔لاہور روڈ پر دن دیہاڑے دو ڈاکو بینک سے رقم لیکر جانیوالے تاجر سلیمان  سے گن پوائنٹ پر یرغمال بنا کر 8 لاکھ روپے چھین کر فرار ہو گئے۔ کالا شاہ کاگو کے قریب ڈاکو امانت علی اور غلام احمد سے نقدی اور تین موبائل دو ایک موٹر سائیکل چھین کر لے گئے۔