شیخوپورہ (نمائندہ نوائے وقت) مسلم لیگ (ن) کے ضلعی صدر و سابق رکن صوبائی اسمبلی محمد عارف  سندھیلہ نے کہا ہے کہ (ن) لیگ ملکی ترقی و عوامی خوشحالی کا مربوط پروگرام لے کر میدان میں اتری ہے۔ عوام سے کئے گئے وعدوں کی تکمیل ہماری اولین ترجیح ہے۔ انہوں  نے کہا کہ ہر دور میں ملکی ترقی میاں نواز شریف کی مرہون منت رہی ہے، قوم کو ہمیشہ نواز لیگ کی قیادت نے ہی بحرانوں اور مشکلات سے چھٹکارا دلایا اور عوامی فلاح و بہبود یقینی بنائی، پاکستان کے حقیقی محسن میاں محمد نواز شریف کا دل عوام کیلئے دھڑکتا ہے وہ پاکستانی قوم کو خوشحال دیکھنا چاہتے ہیں۔