تماشا اور سیموساکو پاکستان ڈیجیٹل ایوارڈزسے نوازدیاگیا

اسلام آباد(خبرنگار) جاز کے دو ڈیجیٹل پلیٹ فارمز تماشا اور SIMOSAکو پاکستان ڈیجیٹل ایوارڈز2024میں ایوارڈزسے نوازدیا گیا ایوارڈز ویب سائٹس، ایپس اور ڈیجیٹل کریئٹرز میں خدمات کی فراہمی میں اعلی کارکردگی کے اعتراف میں دیئے جاتے ہیں جو پبلک پرائیویٹ اور دیگر تنظیموں پر مشتمل متحرک ڈیجیٹل منظرنامے کی عکاس ہے، پاکستان کے اولین ڈیجیٹل تفریحی پلیٹ فارم تماشا کو مسلسل دوسرے سال بیسٹ آن لائن سٹریمنگ پلیٹ فارم ایوارڈ سے نوازا گیا ، ایشیا کپ2023، آئی سی سی ورلڈ کپ2023اور جاری آئی سی سی ٹی 20 ورلڈ 2024جیسے کھیلوں کے بڑے ایونٹس کی لائیو سٹریمنگ کیلئے عوام میں مقبولیت رکھنے والی تماشا ایپ نے لاکھوں ناظرین کیلئے ترجیحی ڈیجیٹل سٹریمنگ سروس کے طور پر اپنی حیثیت منوائی ہے ۔