لاہور (آئی این پی) سعودی عرب سے لاہور آنیوالی پرواز میں ظفر اقبال نامی شخص دل کا دورہ پڑنے سے جاں بحق ہو گیا۔ گوجرانوالہ کا رہائشی ظفر اقبال دمام میں روزگار کے سلسلے میں مقیم تھا گزشتہ روز وہ چھٹیاں گزارنے کیلئے پاکستان آرہا تھا لاہور میں لینڈنگ سے کچھ دیر پہلے دل کا دورہ پڑنے سے انتقال کر گیا۔ لاہور میں لینڈنگ کے بعد جب اس کے استقبال کیلئے آنیوالی فیملی کو اس کے انتقال کی اطلاع دی گئی تو انہوں نے ائرپورٹ پر دھاڑیں مار مار کر رونا شروع کر دیا جس کی وجہ وہاں موجود دیگر افراد کی آنکھیں بھی اشکبار ہو گئیں۔