لاہور(کلچرل رپورٹر) کامیڈی ، رومانس اور ڈرامے سے بھرپور لالی وڈ کی نئی فلم ’’ رانگ نمبر2‘‘ کی عکسبندی مکمل ہونے کے بعد اسکی تشہیری مہم کا باقاعدہ آغاز ہو گیا ہے ۔پروڈیوسر حسن ضیا ء اور ورسٹائل فنکارو ڈائریکٹر یاسر نواز کی ڈائریکشن میں بنی فلم 2017میں ریلیز ہوئی سپر ہٹ فلم رانگ نمبر کاسیکوئیل ہے جسے پروڈکشن ٹیم نے جاوید شیخ ، ثنا ، شفقت چیمہ ، محمود اسلم ، دانش نواز سمیت دیگر فنکاروںکی شمولیت سے مزید دلچسپ بنا دیا ہے جبکہ فلم کے مرکزی کرداروں میں سمیع خان اور نیلم کی فریش جوڑی کو کاسٹ کیا گیا ہے ۔فلم کو عید الفطر پر ریلیز کیا جائے گا ۔