وفاقی وزیرفہمیدہ مرزا سے پرتگال کے  سفیر پائولو نیویز پوچینوکی ملاقات

اسلام آباد( سپورٹس رپورٹر) وفاقی وزیر برائے بین الصوبائی رابطہ ،فہمیدہ مرزا سے پرتگال کے  سفیر پائولو نیویز پوچینونے ملاقات کی۔ ملاقات میں باہمی دلچسپی کے امور خاص طور پر کھیلوں اور سیاحت کے فروغ کے حوالے سے گفتگو ہوئی ۔ اس موقع پر وفاقی وزیر ڈاکٹر فہمیدہ مرزا نے کہا کہ پرتگال اور پاکستان کے باہمی تعلقات کو مزید تقویت دینے کے لیے دونوں ممالک کو بھرپور کوشش کرنا ہوگی ، پرتگال کے سپورٹس ہیروز کو پاکستان میں مدعو کرنے کے خواہاں ہیں، انہوں نے کہا کہ فٹبال کے شہرت آفاق کھلاڑی کرسٹیانو رونالڈو پاکستان میں بھی بے حد مقبول ہیں۔ ہم رونالڈو کو پاکستان آنے کی دعوت دینا چاہتے ہیں یہ ہمارے کھلاڑیوں کے لیے حوصلہ افزا بات ہوگی۔ وفاقی وزیر نے کہا کہ پاکستان سکواش کرکٹ ہاکی میں پرتگال کو مدد فراہم کرسکتا ہے۔ اس موقع پر پرتگالی سفیر پائولو نیویز پوچینونے کہا کہ پرتگال کے  تمام بڑے کھیلوں کے کلب ساتھ ساتھ تعلیم کی سہولیات بھی فراہم کرتے ہیں۔ انہوں نے مزید کہا کہپاکستانی کھلاڑیوں اور کوچوں کے لیے پرتگال میں دو ہفتے کیلئے تربیتی کیمپ کا بندوبست کیا جا سکتا ہے