پی ایس ایل فائیو کے 28ویں میچ میں کراچی کنگز نے اسلام آباد یونائیٹڈ کو 4 وکٹوں سے شکست دے کر سیمی فائنل میں جگہ بنالی، اسلام آباد یونائیٹڈ ناک آؤٹ مرحلے سے باہر ہوگئی۔
اسلام آباد یونائیٹڈ نے پہلے کھیلتے ہوئے 136 رنز بنائے۔ اسلام آباد یونائیٹڈ کے اوپنر رضوان حسین نے17 رنز بنا ئے۔فل سالٹ 25، حسین طلعت 37، کپتان شاداب خان 12 اور کولن انگرام 14 رنز بنا کر نمایاں رہے۔کراچی کنگز کی جانب سے عمید آصف، کرس جارڈن، عماد وسیم، ارشد اقبال اور افتخار احمد نے ایک، ایک وکٹ حاصل کی۔
136 رنز کے جواب میں کراچی کنگز کا آغاز اچھا رہا ۔اوپنر شرجیل خان نے 37 رنز کی جارحانہ اننگز کھیلی۔شرجیل کی اننگز میں 4 چھکے اور تین چوکے شامل تھے۔بابر اعظم نے 19، کیمرون ڈیلپورٹ 11 اور کپتان عماد وسیم 26 رنز بنا کر نمایاں رہے۔اسلام آباد یونائیٹڈ کی جانب سے شاداب خان نے دو کھلاڑیوں کو پویلین کی راہ دکھائی، رومن رئیس اور عاکف جاوید نے ایک، ایک وکٹ حاصل کی۔