راولپنڈی۔اسلام آباد (اپنے سٹاف رپورٹر سے) تھانہ صادق آباد کے علاقے میں سابقہ داماد نے گھر میں گھس کر ساس کو تشددکانشانہ بناڈالا  ڈاکٹر نادیہ نے پولیس کوبتایاکہ مدعیہ کی بیٹی کا خاوند جبران شروع سے ہی اس پر تشدد کرتا تھا جس کی وجہ سے میری بیٹی نے اس سے خلع لے لی ہے وہ رات کو زبردستی ہمارے گھر گھس آیا اور مجھے گریبان سے پکڑ کر زدوکوب کیا جان سے مارنے کی دھمکیاں دیں اورکھڑکیوں کے شیشے توڑ دیئے پولیس نے مقدمہ درج کرلیا۔تھانہ ویسٹرج کوسبزعلی نے بتایا کہ مدعی کے بھائی پیرزادہ کو اقبال وغیرہ نے اغواکرلیاہے تھانہ شہزاد ٹائون کو امیر سلطان نے بتایا کہ چٹھہ بختاور میں مدعی کی18 سالہ بیٹی زینت الکبریٰ کوملزمان سفی اور خرم نے اغواء کرلیا ہے تھانہ بھارہ کہو کو مرسلین نے بتایا کہ اٹھال چوک میں میری15 سالہ بیوی ذاکرہ شاپنگ کیلئے مارکیٹ گئی جسے کسی نامعلوم نے اغواء کرلیا ہے تھانہ کوہسار کو سخی محمد نے بتایا کہ گوکینہ کلاں میں میری بیٹی شازیہ کو میری 9 سالہ نواسی سمیت کسی نامعلوم نے اغواء کرلیا ہے تھانہ آئی نائن کو محمد نواز نے بتایا کہ مدعی کی دو بیٹیوں18 سالہ علیشاء ،16 سالہ مہرین کو ایچ نائن بازار میں کسی نامعلوم نے اغواء کرلیا ہے ۔