دشمن کی حربی قوت چالوں سے مکمل آگاہی ہونی چاہیے ائیر چیف

اسلام آباد (این این آئی) پاک فضائیہ کے سربراہ ائیر چیف مارشل مجاہد انور خان نے کہاہے کہ دشمن کی حربی قوت کا مکمل ادراک اورچالوں سے مکمل آگاہی ہونی چاہئے۔ سربراہ پاک فضائیہ نے 54 ویں کمبیٹ کمانڈرزکورس کی گریجویشن تقریب میں خطاب میں کہا کہ دور حاضرکی حربی کامیابی، مؤثر جنگی بصیرت اورویژن پرمنحصرہے، ایئر پاور سینٹر آف ایکسیلنس اورکمبیٹ کمانڈرز سکول مستقبل کی عسکری قیادت کی تربیت کے لیے بہترین اقدامات اٹھا رہے ہیں، دشمن کی حربی قوت کا مکمل ادراک اوراس کی چالوں سے مکمل آگاہی ہونی چاہئے۔ ترجمان پاک فضائیہ کے مطابق سربراہ پاک فضائیہ نے کورس کے گریجویٹ ہونے والے آفیسرز کو ٹرافی اور اسناد سے نوازا، کمبیٹ پائلٹس کی چیف آف دی ایئر سٹاف ٹرافی ونگ کمانڈر وحید ظفر نے حاصل کی۔ کمبیٹ کنٹرولرز کی ایئر آفیسر کمانڈنگ ائیر ڈیفنس کمانڈ ٹرافی سکواڈرن لیڈر علی احمد نے حاصل کی۔