لاہور(یواین پی) پاپ سنگر نازیہ حسن کی 57ویںسالگرہ 3 اپریل کومنایا جائیگی۔ مداح خصوصی تقریبات کا اہتمام کرینگے جس میں سالگرہ کے کیک کاٹے جائینگے۔صدارتی ایوارڈ یافتہ نازیہ حسن 3اپریل1965 ء کو کراچی میں پیدا ہوئیں انہوں نے اپنا بچپن کراچی اور لندن کے تعلیمی اداروں میں گزارا ۔1980ء میں نازیہ حسن صرف 15برس کی عمر میںاس وقت شہرت کی بلندیوں پر پہنچ گئیں۔ جب انہوں نے بھارت کے معروف فلم ساز فیروز خان کی فلم ’قربانی‘ میں’ آپ جیسا کوئی میری زندگی میں آئے تو بات بن جائے ‘گایا ۔نازیہ حسن نے پی ٹی وی پر متعدد پروگرام اور ٹی وی کمرشلز میں بھی کام کیا۔ نازیہ حسن نے اپنے بھائی زوہیب حسن کیساتھ مل کر پاکستانی موسیقی میں ایک نئی جہت روشناس کروائی انہوں نے 80کی دہائی میں موسیقی میں مغربی انداز متعارف کروایا ۔نازیہ حسن 13اگست2000ء کو لندن کے ایک اسپتال میںصرف 35برس کی عمر میں انتقال کر گئی تھیںوہ کینسر کے موذی مرض میں مبتلا تھیں۔نازیہ حسن کو پرائڈ آف پرفارمنس ،بیسٹ فی میل پلے بیک ایوارڈ،15گولڈ ڈسکس سمیت متعدد ایوارڈز سے نوازا جا چکا ہے ۔