کراچی(یواین پی) پاکستان اور سرحد پار اپنی منفرد گائیکی کے باعث شہرت رکھنے والے سپراسٹارعاطف اسلم کے والد دل کا دورہ پڑنے کے بعد صحت یاب ہورہے ہیں۔سماجی رابطے کی ویب سائٹ انسٹاگرام پر عاطف اسلم نے اپنے مداحوں کیلئے ایک پیغام جاری کیا، جس میں انہوں نے بتا یاکہ حال ہی میں ان کے والد کو دل کا دورہ پڑا تھا۔عاطف اسلم نے اپنی انسٹا پوسٹ میں اپنے چاہنے والوں سے مخاطب ہوتے ہوئے کہا کہ مجھے ویڈیوز، گانے اور خوبصورت ایڈیٹس بھیجنے کا شکریہ۔ جب والد مکمل طور پر صحتیاب ہوجائیں گے تو میں آپ کے تمام پیغامات پڑھوں گا۔