اترپردیش ، ایک اور کالج نے باحجاب طالبات کو داخلے سے روک دیا ، گیٹ پر برقعے اتروا دیئے 

علی گڑھ (آئی این پی) بھارت کے ایک اور کالج نے باحجاب مسلمان طالبات کو کالج میں داخلے سے روک دیا۔ مسلم لڑکیوں سے کالج کے دروازے پر ہی برقع اتروایا جارہا ہے۔ غیر ملکی میڈیا کے مطابق بھارتی ریاست اتر پردیش میں دھرم سماج کالج کے بعد ضلع علی گڑھ کے شری وارشنے کالج نے بھی باحجاب طالبات کو کالج میں داخل ہونے سے روک دیا ہے۔ کالج کے پرنسپل نے حجاب کے ساتھ داخل نہ ہونے کا باقاعدہ نوٹس بھی کالج کے گیٹ پر چسپاں کر دیا ہے۔ بھارتی میڈیا کا کہنا ہے کہ مسلمان طالباب کے حجاب پہننے پر ہندو طالب علموں نے بھگوا رنگ کا مفلر پہننے کا کہا اور مسلمان طالبات اور ہندو طالب علموں میں لفظی تکرار بھی ہوئی۔