لاہور(نامہ نگار)ہربنس پورہ پولیس نے مقابلے کے بعدایک ڈاکو کوزخمی حالت میں ساتھی سمیت گرفتار کر لیا ہے۔ ہربنس پورہ پولیس کے اہلکاروں نے دوران پیٹرولنگ موٹر سائیکل سوار دو افراد کو رکنے کا اشارہ کیا،مشکوک افراد نے پولیس کو دیکھ کر فرار ہونے کی کوشش کی۔پولیس نے تعاقب کیا۔ موٹر سائیکل سوار مسلح ملزمان نے پولیس پر فائرنگ کر دی۔پولیس کے مطابق اس دوران اپنے ہی ساتھی کی فائرنگ سے ایک ڈاکو زخمی ہوگیا ۔زخمی ڈاکو پولیس نے گرفتار کر لیا گیا جبکہ فرار ہونے والے دوسرے ڈاکو کو بھی پولیس نے تعاقب کر کے گرفتار کر لیا ہے جس کی شناخت بابر نام سے ہوئی ہے جبکہ گرفتار زخمی ڈاکو کی شناخت سیف عرف چپہ پٹھان کے نام سے ہوئی، جو 37 سنگین مقدمات میں ریکارڈ یافتہ نکلا ہے۔