رونالڈو کی ہیٹ ٹرک، دنیا میں سب سے زیادہ گول کرنیوالے فٹبالر 

لاہور(سپورٹس ڈیسک ) پرتگال کے  فٹبالر کرسٹیانو رونالڈو دنیا میں سب سے زیادہ گول کرنیوالے فٹبالر بن گئے۔رونالڈو نے  کارنامہ مانچسٹر یونائیٹڈ کی جانب سے ٹوٹنہم کیخلاف ہیٹ ٹرک کر کے سرانجام دیا اور ان کی ٹیم نے میچ دو کے مقابلے میں تین گول سے جیت لیا۔رونالڈو نے کیرئیر کی 59 ویں ہیٹ ٹرک مکمل کی جبکہ وہ گزشتہ 13 برس میں ہر سال ہیٹ ٹرک کرنے والے کھلاڑی بھی بن گئے ہیں۔ ان کے گولز کی تعداد 807 ہو گئی ہے۔فٹبال کی عالمی تنظیم فیفا کے مطابق رونالڈ سے قبل سب سے زیادہ گول کرنے کا اعزاز آسٹرین چیک فاروڈر جوزف بیکن کو حاصل تھا جن کے گولز کی تعداد 805 تھی تاہم ان کے گولز کی تعداد کے حوالے سے اختلافات بھی پائے جاتے ہیں اور کچھ لوگوں کا کہنا ہے کہ بیکن کے گولز کی تعداد 805 سے کہیں زیادہ ہے۔