بھارتی طیارے میں مسافر کا انتقال کراچی ائرپورٹ پر ہنگامی لینڈنگ 

کراچی (آئی این پی) بھارتی ایئر لائن کے طیارے نے کراچی ایئر پورٹ پر ہنگامی لینڈنگ کی۔ سول ایوی ایشن اتھارٹی (سی اے اے) کے ذرائع کے مطابق ایک مسافر کی طبیعت ناسازی پر ہنگامی لینڈنگ کی اجازت دی۔ پرواز کا مسافر لینڈنگ سے قبل ہی دوران پرواز انتقال کر گیا۔ ذرائع نے کہا ہے کہ بھارتی ایئر لائن کے کپتان نے میڈیکل ایمرجنسی کی اطلاع دی۔ سی اے اے اور وفاقی وزارت صحت کے ڈاکٹرز نے مسافر کو چیک کیا۔60 سالہ مسافر عبداللہ لینڈنگ سے قبل ہی انتقال کر چکا تھا۔ سول ایوی ایشن کے ذرائع کا کہنا تھا کہ مسافر نائیجیریا کا شہری ہے۔
بھارتی طیارہ؍ لینڈنگ