لاہور(سپورٹس رپورٹر) لاہور پولو کلب کے زیراہتمام دی سنچری وینچرز نیشنل اوپن پولو چیمپئن شپ برائے قائداعظم گولڈ کپ میں دو میچز کھیلے گئے جن میں ڈائمنڈ پینٹس اور ماسٹر پینٹس کی ٹیمیں فاتح رہیں۔ لاہور پولو کلب کے صدر عمر صادق، ایگزیکٹو کمیٹی کے ممبرز، فیملیز اور پولو کے کھلاڑیوں کی بڑی تعداد موجود تھی۔ پہلے میچ میں ڈائمنڈ پینٹس نے زبردست مقابلے کے بعد ایچ این پولو کو 12-9 سے ہرا دیا۔  دوسرے میچ میں ماسٹر پینٹس نے انتہائی سنسنی مقابلے کے بعد ایف جی پولو کو ایکسٹرا ٹائم میں سڈن ڈیتھ پر 9-8 سے ہرا دیا۔ آج دوپہر ڈیڑھ بجے ری ماؤنٹس کا مقابلہ بی این پولو سے جبکہ سہ پہر ساڑھے تین بجے  ماسٹر پینٹس /نیوایج کا مقابلہ ڈی ایس سے ہوگا۔