لاہور ( سپورٹس رپورٹر) واپڈا کی نور العین نے  آل پاکستان جونیئر اینڈ ویمن سکواش چیمپئن شپ کا ویمنزسنگلز کا ٹائٹل جیت لیا۔ ویمنز سنگلز کے فائنل میں واپڈا کی نور العین نے پنجاب کی رشنا محبوب کو سخت مقابلے کے بعد 3 -2سے شکست دے کر ٹائٹل اپنے نام کیا،بوائز انڈر 17کے فائنل میں خیبر پختونخوا کے عمیر عارف نے آرمی کے اذلان علی کو 11-9،11-8اور12-10سے شکست دی،گرلز انڈر 15کے فائنل میں سندھ کی سحرش علی نے کے پی کی رانیہ قاضی کو 11-13،11-6،11-9 اور11 -7سے ہرا کر ٹائٹل اپنے نام کیا جبکہ بوائز انڈر 15کا فائنل پی اے ایف کے نعمان خان نے جیت لیا۔