ماہ رمضان سے خود احتسابی کا  درس ملتا ہے ، مولانا عبد الماجد 

کراچی (اسٹاف رپورٹر ) پاکستان امن کونسل صوبہ سندھ کے صوبائی صدر، مدرسہ تعلیم القرآن کے مہتمم و جامع مسجد الخلیل بھٹائی آباد گلستان جوہر کے خطیب مولانا عبد الماجد فاروقی نے ماہ رمضان المبارک کی آمد کے حوالے سے مولانا محمد عکاشہ اور قاری محمد ندیم کے ہمراہ مدرسہ تعلیم القرآن کے لائبریری ہال میں طلبا، اساتذہ اور مذہبی رہنماں سے گفتگو کرتے ہوئے کیا مولانا عبد الماجد فاروقی نے کہا ہے کہ رحمت و مغفرت کا مہینہ ہم پر سایہ فگن ہونے کو ہے اللہ تعالی کے فضل و کرم سے ہمیں ایک مرتبہ پھر رمضان المبارک کے فضائل و برکات سے مستفید ہونے کی سعادت حاصل ہو رہی ہے انہوں نے کہا کہ قلب کی پاکیزگی کے لئے روزی بہترین ذریعہ ہے بشرطیکہ اس کے تقاضوں کو پورا کیا جائے۔