گوجرانوالہ (نمائندہ خصوصی ) پنجاب کالج کے طلبہ نے گوجرانوالہ تعلیمی بورڈ کے زیر اہتمام مقابلہ مضمون نویسی میں نمایاں پوزیشنز حاصل کر کے ہزاروں روپے کے کیش پرائز اور تعریفی سرٹیفکیٹ حاصل کئے ہیں۔ تقریب تقسیم انعامات کی صدارت چیئرمین تعلیمی بورڈ کمشنر سید نوید حیدر شیرازی نے کی جبکہ کنٹرولر امتحانات پروفیسر محمد نعیم بٹ اور سیکرٹری بورڈ چوہدری شہزاد احمد بھی اس موقع پر موجود تھے ۔پنجاب کالج کے طالب علم محمد ذوہیب انگلش مقابلہ مضمون نویسی میں اول آ کر پندرہ ہزار روپے کیش پرائز اور محمد حمزہ دوئم آ کر دس ہزار روپے کیش پرائز کے حقدار قرار پائے جبکہ اردو مقابلہ مضمون نویسی میں محمد عبیدہ بٹ دوئم آ کر دس ہزار روپے اور محمد فصیح سوئم آکر سات ہزار روپے کیش پرائز کے حقدار قرار پائے اس طرح پنجاب کالج فار ویمن کی طالبہ ربیعہ ایمان اردو مقابلہ مضمون نویسی میں سوئم پوزیشن حاصل کر کے سات ہزار روپے کیش پرائز حاصل کر پائیں۔