عمران خان احتساب کیلئے تیاری پکڑیں:میر ابرار احمد بٹ 

قلعہ دیدارسنگھ(نمائندہ خصوصی) صدر مسلم لیگ (ن)ترکیہ میر ابرار احمد بٹ نے کہا ہے کہ سب ڈرامے فلاپ ہو چکے،عمران خان احتساب کیلئے تیاری پکڑیں،پی ٹی آئی کی سڑکوں پر انتخابی ریلی کے نام پر سیا سی سر کس سے اہل لاہور نے لا تعلقی کااظہار کردیا ہے۔ان خیالات کااظہار انہوں نے نمائندہ خصوصی نوائے وقت’’حسیب پندھیر’’سے دوران گفتگو کیا۔انہوں نے کہاکہ تحریک انصا ف انتخابات میں بد ترین شکست کیلئے ذہنی طور پر تیار ہو جائے کیونکہ اب انہیں دھاندلی نہیں کرنے دی جائیگی،عمران خان کے عوامی ہمدردیاں حا صل کرنے کیلئے سب ڈرامے ناکا م ہو چکے ہیں ،آخر میں انہوں نے کہاکہ آئندہ انتخابات میں عوام پی ٹی آئی کو یکسر مسترد کر دے گی اور گوجرانوالہ کی عوام یہ ثابت کریگی گوجرانوالہ مسلم لیگ ن کے شیروں کا شہر ہے ۔