لاہور(نامہ نگار)لاہور یونیورسٹی میڈیا سڈیز کے وفد نے پنجاب سیف سٹیز اتھارٹی کا مطالعاتی دورہ کیا۔وفد میں 20 میڈیاسٹڈیز کے طلباء اور اساتذہ شریک تھے۔ ڈائریکٹر پبلک ریلیشنز توصیف صبیح گوندل نے وفد کو ادارے کی کارکردگی بارے بریفنگ دی۔وفد کو پاکستان میں پولیس کے پہلے ویب چینل بارے بریفنگ دی گئی اور مختلف شعبہ جات کا دورہ بھی کروایا گیا۔طلباء کو عوامی آگاہی کیمپئن،میڈیا مینجمنٹ اور ویمن سیفٹی ایپ بارے بتایا گیا۔انہوںنے وفد کو بتایا کہ سیف سٹی نے آٹومیٹک ہیلمٹ اینڈ سیٹ بیلٹ ڈیٹیکشن اور گن ڈیٹیکشن کیلئے اے آئی بیسڈ سوفٹ وئیرز تیار کئے ہیں۔پنجاب کے 18 مزید شہروں میں سمارٹ سیف سٹی پراجیکٹس لگائے جا رہے ہیں۔