لاہور(نامہ نگار)پنجاب اسمبلی میں پیپلز پارٹی کے پارلیمانی لیڈر علی حیدر گیلانی نے کہا ہے کہ پنجاب کے یوم ثقافت پر پوری پاکستانی قوم کو مبارکباد پیش کرتے ہیں۔ 5 دریاؤں کی سرزمین اپنی رنگا رنگ تہذیب و ثقافت کی امین ہے۔ پنجاب کی روائتی مہمان نوازی اور کھانے دنیا بھر میں اس کی پہچان ہیں۔پنجاب داتا گنج بخش،بابا بلھے شاہ،غلام فرید اور شاہ رکن عالم جیسے جید صوفیاء کا مسکن ہے۔ پنجاب کے روایتی کھیل کبڈی،کشتی،بسنت اور میلے ٹھیلے اس کی ثقافت کا اصل رنگ ہیں۔آئیں آج مل کر پنجابی ثقافت اور ورثے کو پروان چڑھانے کا عزم کریں۔