لاہور(سپورٹس رپورٹر)اسلام آباد یونائیٹڈ کے کپتان شاداب خان نے کہا ہے کہ پلیئرز کو بنانے کیلئے اس کی ناکامیوں پر بھی سپورٹ ضروری ہوتی ہے۔کراچی میں میڈیا سے گفتگو کرتے ہوئے شاداب خان کا کہنا تھا کہ کچھ غلطیاں ہوئیں جس کی وجہ سے ٹاپ ٹو میں فنش نہیں کر پائے، آخری میچز میں ٹیم نے مومینٹم پکڑ لیا جو ہمارے لیے اہم ہے۔ بطور بولر اپنے کھیل میں بہتری لانے کی کوشش کر رہا ہوں۔ میری بائولنگ میں کچھ تکنیکی مسائل تھے جس کی نشاندہی ہوگئی ہے، بائولنگ میں جہاں جہاں خامی ہے اسے بہتر کرنے کی کوشش کررہا ہوں۔ اعظم جیسے پلیئرز کو بہت زیادہ پیار اور سپورٹ چاہیے ہوتا ہے، اعظم میچ ونر ہے، اسلام آباد کیلئے اہم پلیئر ہے۔ اعظم خان جس نمبر پر بیٹنگ کرتا ہے وہاں تسلسل رکھنا مشکل ہے، نئے آنے والے پلیئرز کو سپورٹ کریں، تسلسل کیساتھ سپورٹ دیں۔