پی ایس ایل : پلے آف مرحلے کے میچ آفیشلز کا اعلان 

لاہور(سپورٹس رپورٹر) پی سی بی نے پاکستان سپر لیگ کے پلے آف مرحلے کے میچ آفیشلز کا اعلان کردیا۔پی ایس ایل سیزن نائن کے فائنل میں رچرڈ ایلنگ ورتھ اور کرس گیفنی آن فیلڈ امپائرز ہوں گے۔ فائنل میچ میں احسن رضا تھرڈ اور آصف یعقوب فورتھ امپائر جبکہ روشن مہاناما میچ ریفری ہوں گے۔ پشاور زلمی اور ملتان سلطان کے درمیان کوالیفائر میں علیم ڈار اور رچرڈ ایلنگ ورتھ آن فیلڈ امپائر ہوں گے۔کوالیفائر میں راشد ریاض اور فیصل آفریدی بالترتیب تھرڈ اور فورتھ امپائر ہوں گے جبکہ روشن ماہنامہ ریفر کریں گے۔ اسلام آباد یونائٹیڈز اور کوئٹہ گلیڈی ایٹرز کے درمیان پہلے ایلیمینیٹر میں احسن رضا اور کرس گیفنی آن فیلڈ امپائر ہوں گے۔پہلے ایلیمینیٹر میں آصف یعقوب تھرڈ اور راشد ریاض فورتھ امپائر جبکہ محمد جاوید ریفری ہوں گے۔ 16 مارچ کو کھیلے جانے والے ایلیمینیٹر 2 میں رچرڈ ایلنگ ورتھ اور آصف یعقوب آن فیلڈ امپائر کی ذمہ داریاں سرانجام دیں گے۔ ایلیمینیٹر 2 میں احسن رضا اور فیصل آفریدی بالترتیب تھرڈ اور فورتھ امپائر ہوں گے جبکہ محمد جاوید ریفری ہوں گے۔