پاکستان سپر لیگ 9‘ملتان ‘پشاور پلے آف مرحلہ میں آج مد مقابل  

 لاہور(سپورٹس رپورٹر) پاکستان سپر لیگ سیزن9 میں آج جمعرات سے پلے آف مرحلے کا آغاز ہو گا۔پلے آف مرحلے کے پہلے میچ میں آج ملتان سلطانز اور پشاور زلمی کی ٹیموں کے درمیان جوڑ پڑے گا ، دونوں ٹیمیں رات 9 بجے نیشنل سٹیڈیم کراچی میں مدمقابل آئیں گی۔فاتح ٹیم فائنل میں پہنچ جائے گی۔ پلے آف مرحلے کے دوسرے میچ میں اسلام آباد یونائیٹڈ اور کوئٹہ گلیڈی ایٹرز کی ٹیمیں پنجہ آزمائی کریں گی، میچ جمعہ کی رات 9 بجے نیشنل سٹیڈیم کراچی میں کھیلا جائے گا۔ دو پلے آف میچز کے بعد فائنل میں رسائی کیلئے ایک میچ اور کھیلا جائے گا، پلے آف مرحلے کے تین میچز مکمل ہونے کے بعد فائنل کھیلنے والی ٹیموں کے نام سامنے آئیں گے۔ فائنل 18مارچ کو نیشنل سٹیڈیم کراچی میں کھیلا جائے گا۔