شمالی وزیرستان میں معمولی تکرار پر فائرنگ سے 4 افراد قتل

 شیواہ (نیٹ نیوز) شمالی وزیرستان میں معمولی تکرار پر فریقین کے درمیان بھاری ہتھیاروں سے فائرنگ کا تبادلہ ہوا ہے۔ پولیس کے مطابق شمالی وزیرستان کی تحصیل شیواہ کے گاؤں سیفلی کابل خیل میں دو فریقین کے درمیان معمولی تکرار ہوئی جو بڑھتے بڑھتے مسلح تصادم میں تبدیل ہوگئی۔ دونوں فریقین نے ایک دوسرے پر بھاری ہتھیاروں سے فائرنگ کی جس کے نتیجے میں ایک گروپ کے تین جبکہ دوسرے کا ایک شخص ہلاک ہوا۔