نارنگ منڈی(نمائندہ نوائے وقت)کالاخطائی نارنگ نارووال شاہراہ پر واقع مسجد سے ملحقہ مدرسہ میں گیس سلنڈر دھماکہ امام مسجد کا حافظ قرآن بیٹا جاں بحق کمرے کی چھت دیواریں زمین بوس نماز جنازہ کے بعد آبائی گائوں میں سپرد خاک کردیا گیا‘ کالاخطائی نارنگ نارووال شاہراہ پر واقع نواحی گاؤں جنڈیالہ کلساں میں مدرسہ جامعہ اسلامیہ اہلحدیث کے قاری بشارت کا بیٹا پندرہ سالہ طالبعلم عبدالرحمان نے نماز تراویح کے بعدچائے بنانے کیلئے کمرے میں پڑے گیس سلنڈرکو آگ لگائی تو گیس لیکج ہوجانے کی وجہ سے کمرے میں گیس بھر چکی تھی۔