453 کلومیٹرز کی 35 رابطہ سڑکوں کی فہرستیں ڈپٹی کمشنر راولپنڈی کے سپرد 

کلرسیداں(اکرام الحق قریشی) وزیراعلی پنجاب مریم نواز کی ہدایت پر مسلم لیگ ن کے ارکان اسمبلی و ٹکٹ ہولڈروں نے ضلع راولپنڈی میں 453 کلو میٹرز کی 35 رابطہ سڑکوں کی فہرستیں ڈپٹی کمشنر راو لپنڈ ی کے سپرد کر دی ہیں ۔جن کی تعمیر کیلئے 4790 ملین کی بھاری رقم مختص کی گئی ہے ،یہ سڑکیں آئندہ چھ ماہ میں تعمیر کی جائیں گی جن میں تحصیل کلرسیداں کے لیئے ارکان اسمبلی راجہ اسامہ سرور اور راجہ صغیر احمد کی سفار شا ت پر مشتمل 97 کلومیٹر سڑکیں بھی شامل ہیں ،جن کی مرمت پر 633  ملین سے زائد کی لاگت آئے گی ۔ان سڑکوں میں روات سے کلر سیداں،کلرسیداں سے دوبیرن کلاں،چوکپنڈوری سے کہوٹہ اور بھاٹہ،چوآخالصہ سے موہڑہ چاچیاں دوبیرن،سرصوبہ شاہ سے اسلام پورہ جبر براستہ سموٹ،سرصوبہ شاہ سے داؤد شاہ حقانی اور سدہ کمال سے مٹور سڑکیں شامل ہیں۔