راولپنڈی(جنرل رپورٹر)ممتاز علم دوست شخصیت سی ای او نیوصدیق سکولز سسٹم ڈاکٹر حسن ظہور عباسی نے کہا کہ والدین تعلیم وتربیت میں اپنے حصے کی شمع روشن کریں تو درسگاہ اور گھر دونوں جگہ کا ماحول مثالی بن سکتا ہے۔ جونیئر اور سینئر سیکشن کے رزلٹ کے موقع پر والدین اور عمائدین شہر سے گفتگو میں انہوں نے بتایا کہ اساتذہ کرام تعلیم وتربیت کا حصہ ہیں تاہم بہترین رزلٹ کے لیے والدین کو بھی آگے بڑھنا پڑے گا۔ ڈاکٹر حسن ظہور عباسی نے کہا کہ وہ اور ان کی تدریسی ٹیم بانی چیئرمین پروفیسر ظہور عباسی کی متعین کردہ علمی راستوں پر رواں دواں ہے ۔انہوںنے مزید کہا کہ انکی درسگاہ روز اول سے تعلیمی تحریک کا حصہ ہے۔ خواندہ اور صحت مند پاکستان ہماری منزل ہے ۔ قائداعظم کے پاکستان کو ان کے خوابوں کے مطابق بنانے میں سرگرم رہا جائے گا سی ای او نیو صدیق سکولز سسٹم نے پوزیشن ہولڈر طلبا وطالبات اور ان کے والدین کو مبارک باد بھی دی۔