دولتالہ سکھو(نامہ نگار)خطہ پوٹھوہار کی عظیم علمی و روحانی درگاہ آستانہ عالیہ بھنگالی شریف میں استقبال رمضا ن المبارک کی محفل کا انعقاد کیا گیا محفل  آفتا ب ولایت سجادہ نشیں آستانہ عالیہ بھنگالی شریف پیر جابر علی شاہ ہمدانی کی زیر صدارت جاری رہی جس میں مریدین و متعلقین کی بڑی تعداد نے شرکت کی محفل سے خطاب کرتے ہوئے پیر سید جابر علی شاہ ہمدانی نے کہا کہ ماہ رمضان المبارک کا چاند ، رب کی رحمت کی نوید ہے رسول اللہؐ کی امت کے لئے ماہ صیام اللہ کا انمول تحفہ ہے ان مبارک ساعتوں میں اخلاص کے ساتھ عبادت کر کے بخشش کا سامان کیا جائے۔