کلر سیداں (نامہ نگار)ٹریفک کے دو مختلف حادثا ت میں ایک شخص جاں بحق جبکہ دوسرا شدید زخمی ہو گیا جسے تشویشناک حالت میں کلر سیداں ہسپتال سے راولپنڈی منتقل کر دیا گیا۔ٹریفک کا پہلا حادثہ روات کلر سیداں روات روڈ پر ڈھوک میجر کے قریب پیش آیا جہاں 38سالہ کامران اشرف سکنہ چک بیلی خان سڑک کراس کرتے ہوئے تیز رفتار کیری ڈبہ کی زد میں آ کر جاں بحق ہو گیا۔ٹریفک کا دوسرا حادثہ کلر سیداں کے قریب پیش آیا جہاں مہیرہ سنگال کا 22 سالہ نوجوان متین سوزوکی پک آپ کی زد میں آ کر شدید زخمی ہو گیا جسے ٹی ایچ کیو ہسپتال کلر سیداں سے راولپنڈی ہسپتال منتقل کر دیا گیا ہے جہاں اس کی حالت تشویشناک بیان کی جاتی ہے۔