راولپنڈی (اپنے سٹاف رپورٹر سے)تھانہ صادق آباد پولیس نے کار ڈیلرز ایسوسی ایشن سکستھ روڈ کے صدر نعمان بٹ قتل کے مقدمہ میں نامزد ملزم کو گرفتار کر لیا، پولیس کے مطابق ملزم صائم عباس نے ساتھیوں کے ہمراہ سابقہ دشمنی کی بنا پرفائرنگ کر کے نعمان بٹ کو رحمان آباد میں واقع مسجد میں قتل کردیا تھا واقعہ کا مقدمہ چندروز قبل تھانہ صادق آباد میں درج کیا گیا تھا ایس ایچ او انوار نے کہا کہ واقعہ میں ملوث دیگر ملزمان کو بھی گرفتار کیا جائے گاایس پی راول فیصل سلیم نے کہا کہ گرفتار ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی ایس پی راول نے کہا کہ سنگین مقدمات میں ملوث ملزمان کی گرفتاری لواحقین کو انصاف کی فراہمی میں اہم ہے۔