رمضان مسیحی مسلم اتحاد کو فروغ دینے کا بھی مہینہ ہے،ڈاکٹر جوزف ارشد 

راولپنڈی (جنرل رپورٹر) مسیحی روحانی پیشوا و آر چ بشپ ڈاکٹر جوزف ارشد نے امت مسلمہ کو رمضان المبارک کے بابرکت مہینے کی مبارکباد دی ہے اور کہاہے کہ مسلم بھائیوں سے استدعا ہے کہ وہ اللہ کے بحضورپاکستان کی ترقی و خوشحالی کی خصوصی دعائیں کریں،رمضان المبارک ہمارے مسلم بہن بھائیوں کے لئے نہایت ہی برکتوں ،محبتوں اور رحمتوں کا مہینہ ہوتا ہے۔ اس ماہ میں تمام مسلم بہن بھائی روزہ ، ریاضت ،دعا اور خیراتی کاموں میں بڑھ چڑھ کر حصہ لیتے اور بلا امتیاز ایک دوسرے کی مدد کرتے ہیں۔ ماہِ رمضان مسیحی مسلم اتحاد اور محبت کو فروغ دینے کا بھی مہینہ ہے۔